Një ngjarje e rëndë është regjistruar ditën e sotme në fshatin Manskuri, të Kavajës.
Sipas njoftimit zyrtar të policisë bëhet me dije se një burrë e grua janë gjetur të dy të vdekur.
Rreth orës 11:45 është gjetur i djegur plotësisht një mjet, brenda të cilit ishte një kufomë e djegur. Nga hetimet paraprake dyshohet se kufoma i përket një 45-vjeçareje, ndërsa më tutje është gjetur i vetëvarur bashkëshorti i saj.
Ndërkohë vijojnë hetimet për zbardhjen e plotë të ngjarjes.
Njoftimi i Policisë
Më datë 10.04.2021, rreth orës 11:45, në fshatin Manskuri, Kavajë, është gjetur i djegur plotësisht një mjet.
Brenda mjetit është gjetur një kufomë e djegur, e cila dyshohet se i përket shtetases me iniciale F. Sh., 45 vjeçe.
Nga kontrolli i zonës përreth është gjetur i vetëvarur në një pemë bashkëshorti i saj, shtetasi B. Sh., 48 vjeç.
Grupi hetimor ndodhet në vendngjarje dhe nën drejtimin e Prokurorisë po punon për sqarimin dhe zbulimin e rrethanave te ngjarjes.
