Këngëtarja e famshme, Katy Perry është shtatzënë. Ajo e bëri lajmin publik pak orë më parë, në videoklipin e këngës së re, “Never Worn White,”.
Kënga e re e cila flet pikërisht për frikën nga përkushtimi, por edhe për gatishmërinë për një jetë të lumtur krah dikujt, përfundon me Katyn që përkëdhel barkun e fryrë.
Pas publikimit të videoklipit, ajo doli në një video live në instagram ku konfirmoi përfundimisht shtatzëninë, teksa shtoi se “ ai është sekreti më i madh që i është dashur të mbajë.”
Sipas Kate, bebi do të vijë në jetë verën e këtij viti, kohë kur pritet që këngëtarja të finalizojë dhe albumin e ardhshëm.
“Shumë gjëra do të ndodhin këtë verë. Do të lind në kuptimin e parë të fjalës, por edhe figurativisht do të sjell në jetë diçka që mezi e prisni,” tha ajo.
Ky do të jetë fëmija i parë për Katyn dhe fëmija i dytë për të fejuarin e saj, Orlando Blooom, i cili ka një djalë 9-vjeçar të quajtur Flynn me ish bashkëshorten, Miranda Kerr./Opinion.al
