Kanë kaluar katër vite që kur këngëtari i njohur e i dashur për shqiptarët, Dr. Flori, u nda nga jeta para kohe. Humbjen e tij e vuajtën të gjithë; publiku, kolegët dhe të afërmit. Megjithatë, ata që e ndjejnë mungesën e tij më shumë është bashkëshortja e tij dhe dy fëmijët.
Dr. Flori ishte bërë baba për herë të dytë vetëm pak javë përpara se të ndahej nga jeta. Në ditën që përkon me largimin e tij nga kjo botë, Blerina Kondi bëri një dedikim në Instagram.
“Sot, 4 vjet pa babin!” shkruan Blerina nën foto. Aty duket Dr. Flori i cili mban në krah Danielin e porsalindur, dhe puth të bijën. “Dashuria e babit do të jetë gjithmonë me ne,” shtoi ajo në përshkrim./Opinion.al
