UEFA ka zgjedhur një katërshe arbitrash për të vendosur drejtësi në ndeshjen e Europa League, mes Hoffenhaim dhe FCSB.
Kjo ndeshje është planifikuar të luhet në Gjermani, të Enjten duke nisur nga ora 18:45. Juxhin Xhaja do të jetë gjyqtar kryesor, ndërsa ndihmës të tij do të jenë Arbër Zalla dhe Rejdi Avdo. Arbitër i katërt në këtë përballje do të jetë Albert Doda.
Sa i përket VAR-it, aty do të jetë anglezi Peter Bankes, ndërsa në AVAR, spanjolli Carlos del Cerro Grande.
Kjo është ndeshja e tretë për këtë sezon në Europa League që katërshja e arbitrave shqiptarë gjykon në fazën e grupeve.
Më parë, ata kanë drejtuar edhe në ndeshjet AZ Alkmaar-Elfsborg dhe Elfsborg-Sporting Braga. /tvklan.al
