Disa aplikacione në internet kanë rënë nga sistemi të mërkurën, përfshirë Facebook-un, Instagram-in dhe Whatsapp-in, sipas Downdetector.
Sipas këtij uebsajti, rënia e këtyre aplikacioneve u raportua të mërkurën në mbrëmje.
Shumica e përdoruesve raportuan se kishin telashe me aplikacionet e këtyre rrjeteve sociale në telefonat e tyre mobil.
Meta, e cila ka në pronësi këto rrjete sociale, nuk ka komentuar ende.
Ikonat e aplikacioneve Facebook dhe Instagram në një telefon mobil.
Tash për tash nuk dihet se çfarë e shkaktoi rënien nga sistemi të këtyre rrjeteve sociale, por përdoruesit e tyre e shfrytëzuan platformën rivale, X, që dikur njihej si Twitter, për të shprehur zemërimin e tyre.
Përveç Facebook-ut dhe Instagram-it, u raportua se as Messenger dhe Threads, po ashtu platforma të Meta-s, nuk kishin funksionuar gjatë asaj kohe.
Rënie të ngjashme nga sistemi e platformave të Meta-s kanë ndodhur edhe në vitet e kaluara./rel
