Armiqësia mes kunatave Dukesha Kate Middleton dhe Meghan Markle duket se është vetëm një spekulim mediatik.
Ndërkohë që Meghan është në ditët e fundit të pritjes së ëmbël një tjetër lajm vjen për marrëdhënien mes çifteve mbretërore.
Sipas Harper’s Bazaar ajo dhe bashkëshorti i saj Princ Harry janë vizituar në ditën e Pashkëve Katolike nga Kate dhe Princ William në residencën e tyre në Frogmore Cottage pas shërbesës fetare.
Gjatë kësaj shërbese të pranishëm ishin dukesha Kate, Princi William dhe Princi Harry, Meghani nuk ndodhej për shkak të ditëve të fundit të shtatzënisë.
“William dhe Kate e vizituan Meghanin pasi nuk ishte në gjendje për të shkuar në Kishë. Ata dëshironin të tregonin mbështetjen e tyre si dhe të shihnin sesi ndihej Meghan. Ishte një paradite shumë e këndshme,”-theksoi burimi pranë familjes mbretërore.
Kjo ishte herë e parë që çifti vizitonte shtëpinë e re të Princ Harryt dhe dukeshës Meghan. Sa i përket marrëdhënies mes Harryt dhe William duket se është mjaft e afërt.
“Ata të dy janë më të afërt se kurrë më parë. Fjalët se gjërat nuk shkojnë mirë në familjen mbretërore janë vetëm për shitjen e gazetave.”-u shpreh burimi për Harper’s Bazaar.
Disa ditë më parë Princ Harry dhe kunat e tij Kate Middleton u fotografuan së bashku në një event duke u shfaqur të qeshur dhe të afërt me njëri-tjetrin./Opinion.al/
