TIRANË- Kastriot Ismailaj do të dalë para gjykatës më 3 shkurt. Personi më i përfolur kohët e fundit në Shqipëri do të dalë para gjykatës për një sërë akuzash. Trupin gjykues do ta kryesojë Enklejdi Hajro.
Kastriot Ismailaj do të përballet në Gjykatë me dy akuza të ngritura zyrtarisht nga Prokuroria. “Mashtrim me pasoja tё rёnda, tё kryer nё bashkёpunim” dhe “pastrimit tё produkteve tё veprёs penale’’.
Akuza e parë lidhet me kompaninë DIA dhe përfitimin e rreth 5 milionë dollarëve nga marrëveshja e bërë në vitin 2010 me kompaninë CEZ Shpërndarje për mbledhjen e borxheve të prapambetura.
Prokuroria ka arritur në konkluzionin se qёllimi i Kastriot Ismailaj nuk ka qёnё mbledhja e borxhit tё shoqёrisë dhe as kryerja e ndonjё pune reale, por vjedhja e parave tё shoqёrisё “CEZ Shpёrndarja”.
Sipas saj pёr realizimin e qёllimit tё tij kriminal, i pandehuri Kastriot Ismailaj ka pasur si bashkёpunёtor personin nën hetim, Josef Hejsek, me detyrë Kryetar i Bordit Drejtues tё kёsaj shoqёrie.
Duke pёrdorur tё dhёna tё rreme dhe dokumenta fiktive nё bashkёpunim me Josef Hejsek, Ismailaj ka pёrfituar nё mёnyrё tё kundraligjshme mbi 5 miliardë lekë, duke i shkaktuar pasoja tё rёnda shoqёrisё “CEZ Shpёrndarje” dhe shtetin shqiptar, që zoteronte 26% tё aksioneve tё kёsaj shoqёrie.
Sipas Prokurorisë paratё e pёrfituara nёpёrmjet mashtrimit (vjedhjes), i pandehuri Kastriot Ismailaj nuk i ka pёrdorur me qёllim realizmin e kontratёs, por i ka rinvestuar, i ka transferuar jashtё vendit apo i ka pёrdorur pёr qёllime personale.
Akuza e dytë ka të bëjë me krijimin e një shoqërie fiktive këshillimi nga Ismailaj në vitin 2005. Nga hetimet e Prokurorisë Tiranë ka rezultuar se nё llogaritё e kёsaj shoqёrie janё kryer transakione financiare qё shkojnё nё disa milionë euro.
Paratё e pёrfituara, janё transferuar nё shoqёri dhe individë tё ndryshëm me vendodhje në Zvicër, në Francë, në Angli, në Kongo, në SHBA, si edhe në Afrikёn e Jugut. Shuma e gjetur dhe e sekuestruar pranë dy bankave të ndryshme të nivelit të dytë në Shqipëri është 4.2 milionë dollarë, 455.000 euro si dhe 12.5 milionë lekë.
