“Goal.com” ka si karikaturë të ditës së sotme yllin suedez të PSG-së, Zlatan Ibrahimovic.
Ai paraqitet si Rambo, duke bërë, kësisoji, një lidhje mes akuzave të Karlsson, ishmjekut të kombëtares suedeze, se Ibra është dopuar te Juventusi, dhe përgjigjes së sulmuesit, se do t’i drejtohet gjykatës për dëmshpërblim.
Në fakt, Zlatan, boshnjakosuedezi i mirënjohur, është në qendër të merkatos, edhe pse ajo do edhe disa muaj të hapet.
Deklarimi i tij, se ky është sezoni i fundit me PSGnë, u ka hapur oreksin klubeve të tjera.
Ibra pëlqehet shumë nga Mourinho. A do të shkojnë të dy bashkë te Manchester United?
Kështu, më i përfoluri për destinacionin e tij të ardhshëm është Manchester United, nëse aty shkon trajner Jose Mourinho.
Oferta marramendëse ka marrë edhe nga Kina gjiganti i kombëtares suedeze, por ftesa nga yje të tjerë i kanë mbërritur për t’iu bashkuar MLS, në SHBA.
Raiola, menaxheri i lojtarit, nuk ka zbuluar ende asgjë, por ka thënë se “nëse e lini Ibrën pa futboll, ai e ka vendin në burg”.
Sipas karikaturës së “goal.com”, natyrisht ngrihet pyetja: Pse ai dëshiron të bëhet një Rambo tjetër? Çka dashur të thotë ky sajt i mirënjohur ndërkombëtar sportiv? Çfarë mund të sjellë Zlatan Ibrahimovic në këtë rol…?
