Një shqiptar është vënë në pranga në kufirin mes Serbisë dhe Kroacisë, pasi gjatë një kontrolli në makinën e tij i janë gjetur një sasi armësh, 6 kilogramë drogë dhe një shumë e madhe eurosh.
Lajmin e bën të ditur agjencia serbe e lajmeve Tanjug. Sipas saj, ndalimi është bërë në vendkalimin kufitar të Horgoshit mes Serbisë dhe Kroaci. Policia ka kontrolluar një makinë tip “Nissani almera”, që drejtohej nga një shqiptar, ku janë gjetur armë, drogë e para.
Emri i shqiptarit nuk është bërë i ditur, por media serbe thotë se ai është një personazh i njohur, që merrej me këtë “punë”, raporton syri.net.
Në makinë shqiptarit mësohet se i janë gjetur pesë pistoleta, një revolver, 23 fishekë për to dhe dy pistoleta të tjera me silenciator.
Gjithashtu i janë gjetur drogëra të llojeve të ndryshme me peshë 5.868 gramë, shumë pako me peshë të përgjithshme 536 gramë me tableta ekstazi dhe të holla me vlerë 31 mijë euro.
I arrestuari është dërguar në qeli dhe është në masën e sigurisë “arrest për 48 orë”.
