Pas një ngarkese me drogë të kapur në Kozani mëngjesin e së shtunës një tjetër ngarkesë është kapur në Igumenicë nga policia greke.
Një automjet nuk i është bindur urdhrit të policisë greke për të ndaluar në Igumenicë, por ka shtuar shpejtësinë duke u larguar.
Gjatë ndjekjes, automjeti është përplasur me një mjet të parkuar në zonën e Mazarakias në Igumenicë dhe ka ndaluar. Nga automjeti kanë dalë dy persona që kanë tentuar të largohen me vrap, por janë ndaluar nga policia.
Pas kontrollit nga policia, rezultoi se 4 thasët e transportuar nga automjeti, që në fakt i përkisnin një të burgosuri të burgut Korydallos, përmbanin 66 pako kanabis të papërpunuar me peshë totale 87.5 kilogramë dhe 10 pako me kanabis të përpunuar (“çokollatë”) me peshë 11 kilogramë.
Nga verifikimi i mjetit, rezulton se është në pronësi të një shtetasi grek që ndodhet i burgosur. Drejtuesi i mjetit, i arrestuar, është një shtetas grek që nuk kishe leje drejtimi automjeti ndërsa pasagjer një shtetas shqiptar, i cili rezulton me masë ndalimi hyrje në Greqi./Opinion.al
