Policia shqiptare në bashkëpunim me atë italiane ka kapur një gomone me 761 kg kanabis.
Në përfundim të një operacioni të përbashkët mes Policisë së Shtetit dhe Guardia di Financës, u arrestuar një shtetas shqiptar, E.M. 29 vjeç, nga Vlora, si dhe një shtetas italian.
Pas sinjalizimit nga Policia e Shtetit neper mjet Zyres Interforce dhe Nuklit detar ne Durres te Guardia di Finanza, reparteve operative të Guardia Di Financës në Bari dhe Leçe iu deshën rreth 3 orë për ta interceptuar mjetin lundrues të ngarkuar me lëndë narkotike, i cili u kap 10 milje afer Sant Andreas në Lecce.
Mjeti lundrues gomone ishte rreth 8 metra i gjatë i pajisur me motorë të fuqishëm për lundrim. Vijojnë procedurat për zbulimin dhe kapjen e personave te tjere të përfshirë.
