Prokuroria e Tiranës dërgon në gjyq një grua 41 vjeçare të akuzuar për të paktën shtatë grabitje e vjedhje me dhunë në kryeqytet. Sipas dosjes së mbërritur në Gjykatën e Tiranës, prej më se dhjetë ditësh, rasti i pazakontë është hetuar nga prokurori Ervin Karanxha.
E akuzuara Rozalina Konomi, 41 vjeçe, është arrestuar në datën 28 shkurt 2016 në Tiranë.
Ajo është hetuar në masën e sigurisë arrest me burg dhe në këtë masë do të mbahet deri në përfundim të gjykimit, shkruan Panorama.
E akuzuara në Tiranë mësohet se është arrestuar për vjedhje edhe në Fier në shtator të vitit 2015. Asokohe ajo ishte akuzuar për grabitje celularësh.
