Komisioni i Ankesave dhe Sanksioneve vendosi të gjobisë me nga 2500 lekë Sekretarët e Përgjithshëm të Ministrisë së Turizmit, Kulturës, Drejtësisë, Shëndetësisë dhe Financave, për shkak se kanë kryer fushatë në rrjetet sociale, në llogaritë në Facebook të ministrive respektive.
Gjithashtu është gjobitur në vlerën 100 mijë lekë kryebashkiakun e Kamzës Rakip Suli me argumentimin se ka përdorur burime publike për fushatë elektorale.
Kas ka miratuar kështu kërkesën e Celibashit për gjobë për 5 Sekretarë të Përgjithshëm në 5 ministri si dhe 2 drejtorë shkollash. Ata akuzohen se kanë publikuar sloganet e PS në faqet zyrtare të Ministrive. Celibashi kishte kërkuar gjobë 3000 lekë.
Zyrtarët e dënuar:
Lediana Agalliu, sekretar i përgjithshëm në Ministrinë e Turizmit dhe Mjedisit
Zerina Bruci, sekretar i përgjithshëm në Ministrinë e Kulturës
Ismail Shehu, sekretar i përgjithshëm në Ministrinë e Drejtësisë
Joana Duro, sekretar i përgjithshëm në Ministrinë e Shëndetësisë dhe Mbrojtjes Sociale
Risena Xhaja, sekretar i përgjithshëm në Ministrinë e Financave dhe Ekonomisë
Gjobë 3000 lekë për Elvis Gjika, person përgjegjës për bashkinë Kamëz (shkelje të raportimit të veprimtarive).
