Kreu i LSI-së, Ilir Meta ka folur për herë të parë pas zërave nga Partia Socialiste për kandidaturën e Ilir Metës si President të Republikës.
Nga Devolli i Korçës, kreu i LSI-së, në një takim me fermerët e zonës ka deklaruar për mediat se nuk kam asnjë koment për gara të pashpallura.
“Gara e vetme ku marr pjesë është ajo e LSI që e konsideroj si sfidë për lëvizje të mëtejshme që do ta nis nga Korça“, ka thënë Meta.
Ndërsa, ka thumbur edhe ministrin e Brendshëm Saimir Tahirin, duke shtuar se kanabis ka sot, kishte dje, ka pasur dhe pardje e kështu me radhë.
“Kjo është një cështje që politika duhet të merret. Nuk mund të themi: Kishte dje, dhe s’kemi ça të bëjmë sot. Kjo është një përgjegjësi e të gjithëve.
Si tha ai te filmi: Karafili nuk është vetëm i imi. Kështu është folur për legalizim, kundërlegalizimit, jo për farmaceutike, jo ka vende që e kanë dhe që s’e kanë. Shqetësimi më i madh, është rritja e fenomeneve kriminale për shkak të kanabisit“, tha Kryeparlamentari nga Devolli i Korçës.
Kreu i LSI-së, Ilir Meta është ndalur edhe tek Reforma në Drejtësi, ku ka thënë: “Kurrë mos mendoni se unë do të lodhem se kërkuari konsensus. Besoj se puna e komisionit ka qenë konstruktive dhe besoj se është e mundur që te punojmë në mënyrë konstruktive edhe ne respekt të konsensusit në 22 korrik”.
Kandidatura e Kryeparlamentarit, Ilir Meta për President të Republikës është komunikuar në radhë të parë nga ministri i Jashtëm Ditmir Bushati në emisionin “Channel One”, ku specifikisht theksoi se Meta është një “kandidat i fortë për President”. Një propozim i tillë, ka ardhur edhe nga deputeti i Partisë Socialiste Arben Çuko në Raport Tv.
