Ish-kryeministri Sali Berisha është pyetur nga gazetarët për afatet e bëra publike nga Partia Demokratike për kandidatët që duan të kandidojnë për kryetar të kësaj partie.
Berisha u shpreh se ishte informuar dhe se do të respektoj afatet e vendosura nga anëtarët e Komisionit të Rithemelimit.
I pyetur nëse a do të rikandidojë për kryetar të PD? Berisha, i qeshur, tha se e kishte shprehur edhe më parë faktin se do të kandidojë për kreun e Partisë Demokratike.
“Nuk kam depozituar dokumentet. Sot jam njohur me vendimin për hapjen e këtyre procedurave. Unë do respektoj afatet e caktuara. Unë e kam thënë shumë herë që do kandidoj”,-tha Berisha./Opinion.al
