Presidenti rus Vladimir Putin i tha kancelarit Karl Nehammer, gjatë takimit të tyre këtë javë, se furnizimi i Austrisë me gaz mund të vazhdojë të paguhet në euro, citohet të ketë thënë Nehammer nga agjencia austriake e lajmeve APA.
Moska e ka paralajmëruar Evropën se rrezikon të ndërpresë furnizimin me gaz nëse nuk paguan në rubla, ndërsa ai kërkon hakmarrje për sanksionet perëndimore për pushtimin rus të Ukrainës, të cilin Kremlini e përshkruan si një “operacion special ushtarak”.
Nehammer tha se ai mbajti bisedime “shumë të drejtpërdrejta, të hapura dhe të vështira” me Putinin pranë Moskës të hënën rreth pushtimit të Ukrainës. Por lideri austriak nuk kishte përmendur publikisht ndonjë diskutim për sigurinë e furnizimit me gaz të Austrisë.
Austria merr 80% të gazit të saj natyror nga Rusia dhe kundërshton një embargo të menjëhershme të gazit të Bashkimit Evropian ndaj Moskës, duke argumentuar se nuk është e mundur të kalohet papritur tek furnizuesit alternativë.
Putin tha se “furnizimi me gaz është i siguruar, se Rusia do të dorëzojë sasitë e kontraktuara dhe se pagesat mund të vazhdojnë të bëhen në euro”, ka thënë Nehammer në një intervistë për agjencinë gjermane të lajmeve DPA.
