Matteo Messina Denaro, bosi i mafies italiane i cili u arrestua pak kohë më përpara është në gjendje të mirë shëndetësore. Pasi ka kryer kimioterapinë e parë do t’i nënshtrohet të dytës në javët në fillim. Denaro pati vetëm disa probleme gastrointestinale, pas kimioterapisë së parë .
Mjekët që po trajtojnë mafiozin janë duke ndjekur të gjitha procedurat më të fundit dhe moderne për trajtimin e këtyre rasteve, në burgun e “L’Aquila” nën regjimin 41 bis.
Profesor Luciano Mutti, onkologu kryesor në spitalin L’Aquila po merret personalisht me rastin e bosit mafioz. Ai është shprehur se gjatë bisedave me pacientin e tij “VIP” mafiozi ka thënë se “Kam lexuar qindra libra për kancerin tim, më trajto mirë. Më kuroni me barna speciale nga Izraeli”.
Për mjekët dhe personelin e burgjeve, të vetmit me të cilët lejohet të flasë për regjimin 41 bis, ai “rrëfen” se shqetësimet e tij lidhen me trajtimin e kancerit të zorrës së trashë./Opinion.al
