“Kam 3 mijë euro”. Kjo ishte përgjigja e një shtetasi shqiptar para punonjësve të doganës në Portin e Barit.
Shqiptari me banim në Rimini, në fakt do të udhëtonte për në vendin e tij të lindjes me një shumë të konsiderueshme parash.
Oficerët e doganës nuk u bindën nga përgjigja e dhënë nga shqiptari dhe për këtë arsye vendosën që të kryenin kontroll të bagazheve të tij.
Në fund inspektorët zbuluan disa topa me para të prerjeve të ndryshe, të cilat në total përbënin një shumë prej 50 mijë euro, raporton panorama.
Zbulimi është konsideruar si një tentativë për fshehje parash dhe tashmë do të ketë një inspektim nëse ato janë të ardhura nga aktivitete kriminale.
Kjo tentativë për të eksportuar në mënyrë të paligjshme para në Shqipëri, i ka kushtuar shqiptarit fillimisht një gjobë prej 6 mijë euro.
