Një 23-vjeçar në Tiranë është arrestuar mbrëmjen e djeshme pasi aksidentoi me makinë një 76-vjeçare e cila ndërroi jetë në spital.
Bëhet me dije se 76-vjeçarja ka qenë duke kaluar vijat e bardha ndërsa autori i ngjarjes, Marjol Aliko është futur me semafor të kuq dhe ka përplasur të moshuarën.
Pas përplasjes autori është larguar nga vendi ngjarjes. Vetëm pak orë më pas, policia ka identifikuar dhe arrestuar 23-vjeçarin.
Aksidenti ndodhi në bulevardin ‘Zhan D’Ark’ të kryeqytetit. Fillimisht 76-vjeçarja mori plagë të rënda, por humbi jetën në spital. Mësohet se viktima quhej Dituri Koprencka./Opinion.al
