Një oficer policie në pension u përpoq të vriste gruan e tij, e cila kishte bërë kërkesë për divorc.
Ngjarja ndodhi në një bar në Kaliforni ku John Snowling 59 vjeç ish-oficer policie hapi zjarr ndaj klientëve të tjerë, duke vrarë tre persona dhe duke plagosur gjashtë të tjerë.
Ish-oficeri, ishte në proces të divorcit nga gruaja e tij Marie, shpjegoi sherifi i Orange County Don Barnes gjatë një konference për shtyp të enjten.
Snowling doli në pension në 2014 dhe u transferua në Ohio, ku kishte një shtëpi të dytë, gjatë “një mosmarrëveshjeje të vazhdueshme” në lidhje me divorcin në pritje me gruan e tij.
59-vjeçari iu afrua gruas së tij, e cila ishte ulur me një grua tjetër në lokal, dhe pa fjalë nxori armën dhe qëlloi, duke goditur të paktën një herë gruan e tij dhe gruan tjetër, tha Sherif Barnes. Gruaja tjetër ndërroi jetë në vend nga plagët e marra.
Pasi qëlloi dy gratë, Snowling hapi zjarr rastësisht mbi klientët në lokal përpara se të kthehej në kamionin e tij në parking, ku kishte më shumë armë.
Policia e ka gjetur 59-vjeçarin në parking , nga ku ai ka nisur të qëllonte në drejtim të tyre, tha sherifi.
Gjatë kontrollit iu gjetën nga policia katër armë, duke përfshirë dy pistoleta, një revolver dhe një armë gjahu. Të gjitha armët, shtoi ai, ishin marrë legalisht nga Snoëling, i cili nuk dukej se kishte një histori kriminale.
Të plagosurit u dërguan në spital, ku dy nga pacientët ishin në gjendje kritike, tha spitali, duke përfshirë një burrë të qëlluar në gjoks dhe një grua të qëlluar në nofull./Opinion.al
