Federata e Futbollit do të organizojë nesër hedhjen e shortit për kalendarin e edicionit të ri të “Abissnet Superiore 2025–2026” dhe të “Kategorisë së Parë 2025–2026”.
Departamenti i Komunikimit në FSHF bën me dije se shorti për edicionin e 87-të të kampionatit “Abissnet Superiore” dhe për kampionatin e Kategorisë së Parë do të hidhet në ambientet e “Shtëpisë së Futbollit”, duke nisur nga ora 11:00.
Në këtë aktivitet do të marrin pjesë përfaqësuesit e klubeve të Abissnet Superiore, përfaqësues të klubeve të Kategorisë së Parë, si dhe përfaqësues të medias.
Kampionati “Abissnet Superiore” do të nisë më datë 23 gusht 2025 dhe është planifikuar të përfundojë në muajin maj 2026.
Ndërsa kampionati i “Kategorisë së Parë” është programuar të startojë po më 23 gusht dhe të përfundojë më 2 maj 2026.
Ndërsa në kampionatin e Kategorisë së Parë do të marrin pjesë këto skuadra: KF Laçi, KF Skënderbeu, KS Besa, KF Burreli, KF Pogradeci, FK Apolonia, FC Lushnja, KS Korabi, KS Kastrioti, FK Kukësi, KF Iliria dhe AF Luftëtari.
