Katër efektivë policie janë arrestuar në flagrancë pasi kanë lejuar futjen e kafes kontrabandë nga Kosova në Shqipëri.
Sipas njoftimit zyrtar, në pranga kanë rënë Agim Berisha, 48 vjeç, shef i stacionit të Policisë Shishtavec; Agron Nela, 41 vjeç, inspektor me detyrë trupe shërbimi në Stacionin e Policisë Shishtavec; Mursel Memishaj, inspektor me detyrë trupe shërbimi në Stacionin e Policisë Shishtavec; Mirel Dalaci, 40 vjeç, inspektor me detyrë trupe shërbimi në Stacionin e Policisë Shishtavec.
Arrestimi i tyre u bë sot në orët e para të mëngjesit, pasi në datë 11 qershor 2016 kanë lejuar kalimin në Shishtavec të automjetit tip Scania me targë AA763DC, i cili transportonte 16 800 kg kafe kontrabandë, ndarë në 280 thasë me peshë 60 kg secili.
Materialet i kaluan Prokurorisë së Rrethit Gjyqësor Kukës, për veprën penale “Shpërdorim detyre” kryer në bashkëpunim.
