Kadastra e Vlorës ka një drejtuese të re, e gjashta në më pak se 1 vit.
Viola Hima është komanduar në krye të këtij institucioni pas dorëheqjes së Bilal Aliajt një javë më parë.
Më 9 shtator 2019 Florian Almadhi dha dorëheqjen nga Kadastra e Vlorës pas 5 muajve në detyrë. Ai kishte kërkuar hetim për tjetërsim pronash. Në krye të Kadastrës u vendo Alteo Neziraj.
Në datën 11 shtator në këtë institucion zbarkoi anti-krimi ekonomik ndërsa 8 ditë më vonë Neziraj dha dorëheqjen. Specialistët e Krimit Ekonomik vendosën nën hetim 23 persona pasi akuzohen se kanë tjetërsuar pronën e një personi në Jalë.
Pas Nezirajt drejtimin e Kadastrës e mori Elona Hodaj, më 19 shtator. Por nuk u gjet ende qetësi pasi i gjithë bordi drejtues u insitucioni u dorëhoq më vonë dhe në krye u vendos nën drejtori Taulant Canameti. Ai qëndroi 4 muaj i komanduar në krye të Kadastrës për tu zëvendësuar më vonë me Bilbil Aliajn. Ky i fundit dha dorëheqjen një javë më parë.
Pesë drejtuesit të këtij institucion që dhanë dorëheqjen brenda pak muajsh, e dhanë atë me pretendimin se vendimi i tyre bazohej në arsye personale dhe familjare. /Opinion.al
