Aktori Mehdi Malkaj ka mbajtur fjalën e tij nga protesta e opozitës para Kryeministrisë, ku është shprehur se kryeministrin Edi Rama duhet ta heqin nga pushteti sepse nëse vazhdon të jetë, nuk do të ketë më Shqipëri dhe shqiptarë.
“Do të tregoj një gjë të vogël, në vitin 2013 kur morën pushtetin këta hajdutët, Edi Rama ka mbajtur një fjalim para PS dhe fjalia i tij ishte që nga ky moment ‘unë jam shërbëtori juaj’. Mirëpo, pasi kaluan ca muaj, ky kryeshërbëtori fillo të rrahë krye pronarët. Si ka mundësi që edhe shërbëtor të rrahësh pronarin. Ka ardhur koha që ne t’i japim një hu atij që të mos e gjejë më rrugën drejt kryeministrisë, Është ky moment. Jo Rama ik, Ramën do ta heqim. Ju dua shumë, ju kam xhan. Nuk kemi kohë për t’u grindur, na duhet të falim dashuri pafund për njëri-tjetrin, që ta bëjmë këtë Shqipëri, se ndryshe do të jemi copë copë. Rroftë Shqipëria, sepse nëse do të jetë ky në pushtet nuk do të ketë më Shqipëri dhe shqiptarë”, tha aktori.
