Gjykata e Tiranës liron nga qelia dhe lë në arrest shtëpie Jurgen Kurtin, 23 vjeçarin që akuzohet për vrasjen e të atit Artur Kurti të ndodhur më 4 prill 2016
Mbrëmjen e 4 prillit pas një krimit të ndodhur në banesë, mbeti i vrarë Artur Kurti 50 vjeç, ndërkohë që u vendosën në pranga djali i tij Jurgeni dhe kunati i viktimës Leonard Ristani.
Pasi u mor në pyetje mësohet se Leonard Ristani, kishte marrë përsipër autorësinë e vrasjes.
Gjykata e Krimeve të Rënda pritet të marrë masën e arrestit dhe për Leonard Ristanin.
Sipas njoftimit të policisë mbrëmjen e 4 prillit viktima Artur Kurti ka hyrë me thikë në dorë në banesë dhe është përleshur me djalin dhe kunatin, ku ka plagosur kunatin. Me pas në rrethana ende te pa qarta në përleshje e sipër shtetasi Artur Kurti ka gjetur vdekjen si pasoje e plagëve me thikë.
Ndërsa në dëshminë e tij Jurgen Kurti citohet të ketë thënë se babain e plagosur e la në shtëpi dhe çoi dajën në spital.
