Në fjalën e saj gjatë seancës së jashtëzakonshme të kuvendit ditën e shtunë, Jozefina Topalli është ngritur jo vetëm kryeministrit Rama, por edhe kundër kreut të PD-së Lulzim Basha. Emrat e propozuar për Komisionin e Pavarur të Kualifikimit, ajo i ka kontestuar duke u shprehur se në listë ka njerëz të cilët kanë qenë pushtues tokash. Ata që s’janë të Ramës janë të Bashës.
“E vërteta është se aq sa ka pasur dhe ka pritshmëri të lartë, aq është edhe rreziku i dështimit të saj të turpshëm.
Po filloj me listat që keni përpara meqë nuk guxoni të flisni. Në këtë listë ka miq të ngushtë të kryeministrit, kamikazë politikë të kryeministrit, pushtues tokash. Kanë dhënë para për të mbyllur procese gjyqësore. Këta do bëjnë vetingun. Ata që s’janë të Ramës, janë të Bashës”, tha Topalli.
