Sekretari i Shtetit të SHBA, John Kerry, pritet të arrijë në Turqi në fund të këtij muaji.
Lajmi u bë publik nga ministri i jashtëm turk, i cili shtoi se Kerri do të mbërrijë në Turqi për të diskutuar rreth mundësisë së ektradimit të klerikut mysliman, Fetullah Gulen, i cili akuzohet për tentativat për grusht shtetit në korrik.
Qeveria turke ka shprehur zemërim ndaj aleatëve ndërkombëtarë pas ngjarjes në Turqi, duke insistuar kështu në ekstradimin e klerikut Gulen, me bazë në SHBA.
Turqia akuzon Gulenin, ish aleat i presidentit turk Erdogan, që jeton ne Pensilvania, për organizim të grusht shtetit në Turqi. Po ashtu, ai akuzohet edhe për lëvizjen e tij që drejton organizata humanitare, shkolla, biznese në mbarë botën.
Fetullah Gulen ka kundërshtuar përfshirjen në tentimin për grusht shtet, që i la më shumë se 270 të vrarë.
Uashingtoni zyrtar ka kërkuar që të dërgohen prova për përfshirjen e Gulenit në organizimin e grusht shtetit.
Turqia të enjten ka lëshuar një flet-arresti formal ndaj Gulenit.
