Danimarka do të lejojë edhe disa biznese të tjera që janë mbyllur për të frenuar përhapjen e koronavirusit.
Sipas vendimit të qeverisë parukeritë, sallonet e bukurisë dhe auto-shkollat, do të rihapen nga data 20 prill.
“Askush nuk dëshiron ta mbajë Danimarkën të mbyllur më shumë seç është e nevojshme”, tha kryeministrja Mette Frederikse.
Vendimi vjen pasi disa vende të tjera evropiane, përfshirë Austrinë dhe Gjermaninë, kanë bërë publike masa të ngjashme për daljen nga izolimi.
Të mërkurën, Danimarka ka rihapur edhe çerdhet dhe shkollat fillore, pasi kurba e të infektuarve me koronavirus në këtë vend është në rënie.
Megjithatë, kufijtë, restorantet dhe baret atje do të mbeten të mbyllura edhe për një kohë.
Danimarka ka rreth 7,000 të infektuar me koronavirus, ndërsa 321 pacientë atje kanë humbur jetën. /Opinion.al
