Kryeministri Edi Rama ka paralajmëruar edhe një herë refuzimin e BE-së për hapjen e negociatave të anëtarësimit të Shqipërisë dhe Maqedonisë së Veriut.
Në një postin në rrjetin social “Twitter”, Rama është shprehur se BE është rrëmbyer nga Bullgaria e cila nuk do të heqë veton ndaj Maqedonisë së Veriut duke bllokuar kështu edhe çeljen e negociatave për vendin tonë.
Rama tha se bashkë me liderët e Serbisë dhe Maqedonisë së Veriut, kanë diskutuar gjatë nëse duhet të marrin pjesë në samitin e ardhshëm apo jo.
“Ne diskutuam gjatë sot me liderët e Serbisë dhe Maqedonisë së Veriut për Samitin e ardhshëm të BE-së. Duket se një tjetër “Jo, më fal!” do të jetë ajo që do të dëgjojmë në fund! I gjithë Unioni i rrëmbyer nga Bullgaria nuk është një spektakël i mirë për t’u parë! Çfarë duhet bërë atje?!”,-ka shkruar Rama në Twitter./Opinion.al
We discussed today at length with Serbia’s and North Macedonia’s leaders about the upcoming EU Summit. It seems that another “No,sorry!” is gonna be what we will hear at the end! The whole Union kidnapped by Bulgaria it is not a good spectacle to watch! What to do there?!
— Edi Rama (@ediramaal) June 21, 2022
