Elida Zero, gruaja shqiptare që kreu aktin fatal të plagosjes së djalit dhe vetëvrasjes kishte kaluar një jetë plot peripeci.
Mediat italiane shkruajnë se prej vitesh, 35-vjeçarja Elida Zero, ishte ndjekur nga mjekët dhe kuruar për depresion. Ajo kishte jetuar sëfundmi në Francë bashkë me të birin, për të kërkuar azil politik.
Nëna e re ishte e divorcuar nga bashëkshorti italian dhe të dy kishin përfunduar në gjykatë me akuza të ndërsjellta për keqtrajtim.
Por pak javë më parë, ish-bashkëshorti i kishte marrë nga Franca dhe kishte sistemuar në Torino, Elidën me djalin 7 vjeç.
Debatet e vazhdueshme mes çiftit dyshohet se kanë çuar gruan në aktin e rëndë. Edhe ditën e sotme, kur ndodhi ngjarja, ish-bashkëshorti kishte qenë në banesë ku kishte debatuar me Elidën.
“Ajo kishte probleme të mëdha. Të enjten më telefonoi për të më thënë se do të bënte ndonjë marrëzi. Më ka akuzuar prej vitesh se kisha femra të tjera, se e tradhtoja”, tha ish-bashkëshorti, Dante Scrivano, i cili ndodhej në shtëpi në momentin që gruaja rrëmbeu thikën, qëlloi me të disa herë të birin dhe më pas hipi në ballkonin e katit të tetë e u hodh prej aty, duke gjetur vdekjen në vend.
Ndërsa fëmija ka kaluar rrezikun për jetën pasi iu nënshtruar ndërhyrjes kirurgjikale. Ai kishte marrë disa plagë thike në bark dhe krahë. /Opinion.al
