Presidenti i Federatës së Futbollit në Gjermani, Reinhard Grindel, ka dhënë dorëheqjen pasi është zbuluar se gjatë kohës që ka qenë në këtë post ka pranuar dhurata dhe favore.
Këto akuza janë ngritur nga disa media gjermane të cilat i kanë kërkuar Presidentit të Federatës së Futbollit në Gjermani të zbuloj prejardhjen e një shume parash.
Mësohet se, 58-vjeçari kishte marrë 78 mijë euro gjatë periudhës së qëndrimit të tij në krye të qeverisë së futbollit gjerman nga DFB-Meiden, kompani e kontrolluar nga federata, por nuk e kishte deklaruar këtë shumë.
Po ashtu, Grindel nuk kishte deklaruar as shumën prej 6 mijë euro që i ishin dhuruar nga kolegu i tij ukrainas Grigori Surkis.
Reinhard Grindel erdhi në këtë post në vitin 2016, por performanca e dobët e Gjermanisë, ka bërë që qëndrimi i tij në këtë post të lëkundej./ Opinion.al E.Xh.
