Një 34-vjeçar nga Kuçova ka denoncuar mediatikisht dhunën e ushtruar ndaj tij dhe kërcënimin që i është bërë nga 6 persona. Arbër Liço shprehet se 2 prej personave i njeh, duke i denoncuar me emër, ndërkohë që të tjerët shprehet se i njeh vetëm si portrtete. Edhe pse ka bërë denoncim në polici, 34-vjeçari thotë se policia ende nuk i ka ndaluar autorët.
“Kam qenë duke u ktheyr nga puna në hyrje të Kuçovës rreth orës 6 . Ka qenë Loni Malaj me një person të quajtur Xhelo të cilët më kanë sharë dhe më kanë ofenduar. Arsyen nuk e di, kam ndaluar makinën dhe i kam pyetur pse më shanin, kanë vazhduar po njësoj.
Kam shkuar në stëpi, më pas më ka ardhur Loni Malaj bashkë me djalin e vet Gert Malajn me shkopa bejsbolli kanë dhunuar banesën, më kanë sharë, më kanë ofenduar, më kanë kërcënuar mua prindërit e mi dhe nipin tim. Me shpejtësi kam mbyllur portën me celës, nuk i kam lënë të hyjnë brenda. Lon Malajn e njoh, Gert Malajn e njoh, personat e tjerë me fytyrë i njoh. Kam lajmëruar policinë e shtetit, kanë bërë ato hetimet e veta, i kam kërkuar të gjejnë personat që e kanë bërë këtë. Më kanë thënë që nuk i kanë gjetur, por Kuçova është e vogël, po të duan ata i gjejnë. Nuk mund të jetë e vështirë në një qytet kaq të vogël, ku të gjithë e njohin njëri tjetrin. Më kanë terrorizuar, kërcënuar me jetë e me të gjithë. Arsyen nuk e di, të ma japi Loni Malaj se unë nuk e di. Të gjenden personat që na kanë kërcënuar, nëse nuk duan të na lënë të jetojmë këtu, të na thonë e të dalim të ikim jashtë shtetit.”, tregon ai ndërsa shton se në momentin që janë larguar autorët i kanë kërcënuar me fjalët: “Jeni të vdekur”./Opinion.al
