Kryesore

Javët Ndërkombëtare të Kulturës, Rama: Do nxisë konkurrencë mes ambasadorëve…


Bëhu pjesë e Grupit Zyrtar të Opinion.al
>> KËTU <<
               Publikuar në : 20:57 - 25/04/22 |
Opi Nion

Duke folur në kuadër të “javëve ndërkombëtare të kulturës”, Kryeministri Edi Rama tha nga sheshi “Skënderbej se ky është një program, që synon të nxisë ura bashkëpunimi me vendet ndërkombëtare dhe për më tepër do të ndezë konkurrencën mes vetë ambasadorëve.

Sipas tij, përfaqësitë e huaja do dëshirojnë që ta bëjnë sa më shumë prezent vendin e tyre në Shqipëri.

Gjatë fjalës së tij, Rama u shpreh se është i lumtur që aktiviteti do të filloje me Francën, pas fitores historike të Macron.

Nga data 25 prill nis programi i javëve kulturore në Shqipëri me pjesëmarrjen e përfaqësuesve nga 18 vende të botës. Programi do të ndërpritet në muajt korrik-gusht dhe do të rifillojë në shtator. Ministrja Margariti bëri me dije se do të mbyllet me Kosovën në nëntor, në ditën e Festës së Flamurit.

Rama: Sot  ne startojmë programin e ri të javëve ndërkombëtare të kulturës, një program që synon të sjellë në vendin tonë kultura, aktivitete, artistë, njerëz të fushave të ndryshme por edhe tradita e të festuarit, gatimit në Tiranë dhe jo vetëm. Është një program që do t’i japë mundësinë qytetarëve që të mund të shijojnë aktivitete të natyrave nga më të ndryshmet. Në këtë program ka një rëndësi jashtëzakonisht të veçantë krijimi i sa më shumë urave të njohjes, i sa më shumë urave të eksperiencave nga më të ndryshme dhe urave të bashkëpunimit. Qëllimi nuk është të konsumojmë aktivitet e qe fillojnë e mbarojnë, por të krijojmë mundësi për njerëzit tanë në të gjitha ato fusha që prej ky program që pastaj të vazhdojnë me bashkëpunimet e tyre.

Do fillojë të ndezë konkurrencë mes vetë përfaqësive këtu, mes vetë ambasadorëve për të bërë sa më shumë prezent vendin e tyre dhe për të sjellë sa më shumë larmi në javët ndërkombëtare të kulturës. Ky program synon të kthehet në traditë. Ky është fillimi i një aventure të re kulturore. Franca është ajo që e hap këtë program. Sot ne të gjithë jemi këtu pas një dite të shënuar në Francë, Macron është jo vetëm Presidenti i Francës por dhe një prej shtyllave mbajtëse të gjithë BE-së. Ne të gjithë jemi të gëzuar nga rezultati i djeshëm në Francë.

Pas