-Teknologji

Jashtë kontrollit, ku do të godasin pjesët e raketës së Space X


Bëhu pjesë e Grupit Zyrtar të Opinion.al
>> KËTU <<
               Publikuar në : 08:53 - 26/01/22 |
Opi Nion

Në orbitë me Hënën, gjendet një pjesë e madhe e raketës Falcon 9 e kompanisë amerikane Space X, e cila u nis në vitin 2015 dhe ka rreth shtatë vjet që rrotullohet në hapësirë.

Shkencëtarët vlerësojnë se ajo do të bjerë në Hënë më 4 mars.

Nëse kjo ndodh, do të jetë rasti i parë i njohur i një “mbetjeje” të madhe hapësinore që bie në Hënë.

Raketës i ishte vendosur një satelit meteorologjik (Deep Space Climate Observatory) në orbitë të largët, por në një moment pjesa e dytë e raketës, rreth katër metra, kur u shkëput nga një lartësi e madhe nga planeti ynë, nuk kishte karburant të mjaftueshëm për t’u kthyer në tok dhe as energji të mjaftueshme për t’i shpëtuar gravitetit të sistemit Tokë-Hënë, sipas studiuesit Eric Berger, sipas Guardian.

Rezultati është se, pas një orbite kaotike shumëvjeçare, ajo tani është në procesin e rënies në Hënë brenda disa javësh me një shpejtësi prej 2.58 kilometra në sekondë.

Ka të ngjarë të godasë anën “e errët” të hënës pranë ekuatorit të saj më 4 mars, sipas llogaritjeve të analistit Bill Grey, i cili merret me objektet hapësinore afër Tokës.

Nëse, me të vërtetë, bie në anën e pasme të Hënës, ngjarja nuk do të jetë e dukshme nga planeti ynë./Opinion.al

Pas