Hiroshima ka shënuar 75-vjetorin e bombardimit të parë atomik në botë.
Kryeministri japonez, Shinzo Abe ka qenë pjesë e ceremonisë, mirëpo vizitorët e huaj kanë qenë të paktë për shkak të pandemisë së koronavirusit.
Hyrja në Parkun e Paqes në këtë qytet është kufizuar dhe pothuajse vetëm të mbijetuarit dhe familjet e tyre kanë mundur të jenë pjesë e ceremonisë përkujtimore.
“Më 6 gusht të vitit 1945, një bombë e vetme atomike ka shkatërruar qytetin tonë. Në mesin e thashethemeve që kanë qarkulluar atë kohë kanë qenë dhe ato se ‘asgjë nuk do të rritet këtu për 75 vjet. Por prapë, Hiroshima është ringjalluar dhe është kthyer në symbol të paqes”, u shpreh, kryebashkiaku Matsiu.
Në orën 8:15 të 6 gushtit të vitit 1945, një aeroplan ushtarak amerikan ka hedhur në qytetin japonez bombën e ashtuquajtuar “Djaloshi i Vogël”, duke shkatërruar qytetin me një popullsi prej rreth 350,000 banorëve.
Mijëra persona kanë humbur jetën për shkak të plagëve dhe sëmundjeve të lidhura me rrezatim. Bombardimi i Hiroshimas është përcjellur tri ditë më vonë nga hedhja e bombës në Nagasaki, duke lënë të vdekur 75,000 persona.
Japonia ishte dorëzuar gjashtë ditë më vonë, duke i dhënë kështu fund Luftës së Dytë Botërore./Opinion.al
