Ish-keyeministri Sali Berisha ka folur për dosjen e SPAK, ku ai u mor i pandehur për çështjen “Partizani”.
Në një konferencë me gazetarët, Berisha sqaroi se shpenzimet që Argita dhe Jamarbër Malltezi kanë bërë për të janë të gjitha nga kursimet e tij.
Ai ka theksuar se shpenzimet do të merreshin nga kursimet e tij, por Argita nuk e ka zbatuar këtë porosi, duke gjykuar që këto shpenzime ti përballojë me shpenzimet e saj.
”Sali Berisha ka kursimet e veta të deklaruara qindarkë për qindarkë në ILDKPKI, nuk është marrë kurrë me administrimin e tyre, me to merret vajza Argita Malltezi.
Ajo ka marrë vetëm një porosi nga unë: Këto shpenzime do t’i marrësh nga kursimet e mia, ajo nuk e ka zbatuar këtë porosi, por ka gjykuar që këto shpenzime ti përballojë me shpenzimet e saj dhe unë i jam mirënjohëse.
Ne jemi në familje me solidaritet të madh. Unë nuk mund të them se do ta shtyja më tutje këtë problem me fëmijët e mi.
Sa i takon pagesat për avokatët ato janë pagesa që janë bërë, por që duhet të kuptoni që janë hua të 4 personave që janë në procesin e shpalljes non grata nga lobimi korruptiv pranë sekretarit Blinken.
Lidhur me ndonjë transfertë që ka bërë Jamarbër Malltezi me porosi të Argita Malltezit, ata i kanë zgjidhur problemet fill prapa dhe është cdo gjë në këtë kuadër. Pra në mënyrë absolutë nuk ka asnjë shkelje ligjore. Ata që mendojnë se është ryshfet solidariteti familjar, ata nuk kanë familje dhe nuk dinë se cfarë është familja. Argita Malltezi i ka të deklaruara të gjitha në ILDKPKI. SKAPi nxjerr transaksionet e 30 viteve më parë kur Abi Malltezi merrej me real estate”, ka thënë Berisha.
