Kryeministri Edi Rama pasi zbriti nga avioni i parë që është ulur në aeroportin e ri të Kukësit “Zayed, Flatrat e Veriut ka mbajtur fjalën e tij në ceremoninë e organizuar.
Rama fillimisht thirri një fëmijë nga turma dhe i kërkoi që ta prekte për të treguar se as ai dhe as aeroporti nuk janë projekte 3D por janë vepra reale.
“Përshëndetje të gjithëve. Së pari do të doja një vullnetar, kush del vullnetar të fijë këtu. Më prek më prek jam real apo 3D. Unë jam real, sapo kam pasur kënaqësinë e jashtëzakonshme të zbres nga një avion real në këtë aeroport real me një grup njerëzish real të cilët kisha shumë kohë që doja ti takoja se ma kanë lexuar librin e shtëpisë me shumë pasioin sa herë kam folur për aeroportin”, tha Rama.
Më tej ai ka folur edhe për bisedat e zhvilluara me 3 emigrantë në avion.
“I takova atje dhe vendosa të flas për 3 prej tyre. Ai quhej Edi Rama dhe ishte me PD. Emrin e gjatë e kishte Eduard po i thërrisnin Ed Rama. Hë mo vëlla i thashë si e more këtë rrenë dhe vendose të vish. Vallai tha nuk kam ça të them se kisha besu po ta shohim deri në fund a po e mban llafin ma tha në ajër.
Unë i thashë dy rrugë ka o bashkë do shkojmë në botën tjetër ose do bëhet. Tjetri ishte dhe më interesant ishte dhe demokrat i veshur me blu. Jo jo tha e mbajte llafin, ne demokratët kemi një gjë tha po se pamë se besojmë. Po si ka mundësi thashë mo këta u shaluan në rrena dhe prapë po se pamë se besojmë. Kurse i treti më tha a ka naj vend te PS për patronazhist”, tha Rama./Opinion.al
