Kryesore

“Jam gati të largohem”, Bardhi: Damian Gjiknuri duhet të shkoj në burg


               Publikuar në : 11:33 - 19/09/19 |
Opi Nion

Sekretari i Përgjithshëm i Partisë Demokratike, Gazment Bardhi, ka reaguar në lidhje me deklaratën e deputetit të PS, Damian Gjiknuri, i cili u shpreh më herët se është i gatshëm që të largohet nga bashkëkryetari i reformës zgjedhore.

Ndërkohë, Bardhi është shprehur se, Gjiknuri jo vetëm që duhet të largohet, por ai duhet të shkojë para drejtësisë dhe pastaj në burg.

Sekretari i Përgjithshëm i PD theksoi se së bashku me Gjiknurin para drejtësisë duhet të dalin edhe anëtarët e tjerë të përfshirë në dosjen 184 apo 339.

Pyetje: Z. Bardhi, pak orë më parë Damian Gjiknuri deklaroi se është gati të japë dorëheqjen nga Komisioni i Reformës Zgjedhore, nëse PD njeh Komisionin.

Gazment Bardhi: Besoj unë, Damian Gjiknuri dhe gjithë ata që kanë bashkëpunuar me krimin e organizuar për të shkatërruar zgjedhjet dhe për të vjedhur votat, nuk duhet të jetë me zgjedhje për të dhënë apo jo dorëheqjen nga Komisioni, por duhet të ndiqen penalisht dhe të shkojë në burg për kryerjen e krimeve zgjedhore. Kjo nuk është kërkesë e opozitës, ky është standard evropian, është një nga kushtet e Bashkimit Europian për hapjen e negociatave. Të gjithë ata, përfshirë Damian Gjiknurin dhe gjithë pjesën tjetër të anëtarëve të Komisionit, që janë pjesë e dosjeve “184” dhe “339” nuk duhet të jenë në komisionin për reformën zgjedhore, por do të duhet të jenë në burg dhe të proceduar penalisht për të gjitha krimet zgjedhore që kanë kryer. / Opinion.al E.Xh.

Pas