Emisioni Opinion është gjithnjë në qendër të vëmendjes jo vetëm për temat pikante dhe aktuale që trajton, por edhe për të ftuarit e tij. Andaj ata nuk komentohen vetëm për opinionet e tyre, por edhe imazhin që zgjedhin të tregojnë në këtë emision. Ne do t’ju risjellim edhe njeherë në memorie disa nga të ftuarit e javës në studion tonë, por do të “komentojnë” sigurisht veshjet dhe look-un e tyre.
Gazetari i shumëpërfolur Artan Hoxha, ka zgjedhur të jetë më sportiv. Kombinimi kuqezi me këmishën e bardhë, duket se i përshtatet natyrës së tij sportive. Por nuk mund të themi të njëjtën gjë për analistin Artan Hoxha, i cili duket më shik me këtë kostum gri. Serioz dhe klasik ka zgjedhur të jetë edhe përfaqësuesi i PD-së, Ervin Salianji.
I ftuar për temën “Kush i nis avionët me drogë”, përfaqësuesi i Policisë së Shtetit Altin Qato ka zgjedhur të vijë me uniformën e punës, kështu që për të nuk kemi ndonjë koment të veçantë. Por nuk mund të themi të njëjtën gjë për dy të ftuarit krah tij, gazetarin Flamur Vezaj dhe Stefan Çipën të cilët kanë respektuar studion e Opinion duke u veshur me kostume serioze dhe duke evituar përdorimin e kravateve.
Paçka se tematika nuk ka qenë për Kombëtaren por për vrasjen e biznesmenit libanez, gazetarja Lindita Çela është veshur kuqezi nga koka tek këmbët. Ndërsa specialisti i ekonomisë Besart Kadia, duket se ka bërë “xing” me gazetarin Blendi Fevziu, duke pasur thuajse të njëjtin kostum (blu), por detaji që i ndan është ngjyra e kravatës.
Sportiv dhe casual ka zgjedhur të jetë edhe jetë edhe pedagogu Arlind Qorri, duke u shfaqur me T-shirt dhe xhinse, ndërsa Luçiano Boçi dhe Neritan Sejamini kanë zgjedhur të jenë më seriozë me kostumet e tyre të zinj. E njëjta gjë vlen edhe për të ftuarit e krahun tjetër të panelit të arsimit, Henri Çili, Plarent Ndreca dhe Arben Gjata.
