Për të rregulluar zinxhirin e xhinseve ju nevoitet:
- Darë apo pincë
- Gërshërë
- Pe më i trashë se ai i zakonshëm për qepje, që përdoret shpesh për butonat.
- Gjilpërë
Hapi i parë: Hiqni parakolpin.
Hiqni pjesën metalike që lidh dy anët e zinxhirit me anë të pincës. Me pak forcë ju mund ta tërhiqni atë nga zinxhiri. Tërhiqeni pastaj pjesën lëvizëse të zinxhirit deri poshtë në dhëmbët e fundit, por mos e tërhiqni plotësisht.
Hapi dytë: Rregulloni dhëmbët e zinxhirit.
Duke përdorur gishtat, rregulloni dhëmbët e zinxhirit në mënyrë që të drejtohen të gjithë dhëmbët në mënyrë të njejtë. Lëvizeni pak zinxhirin, por kujdes mos të ngatërrohen dhëmbët.
Hapi tretë: Pasi të jenë dhëmbët drejt, qepni ato.
Duke përdorur një gjilpërë dhe pe, qepni përreth vendin ku ishte e vendosur ajo pjesa përmbyllëse metalike.
Ideja është që të zëvendësohet me qepje. Qepni rreth e përreth fundin e zinxhirit deri sa të keni së paku 6 qepje të njëpasnjëshme. Lidhni një nyje në fund të qepjes, në pjesën e pasme të zinxhirit.
Hapi katërt: Mbylleni zinxhirin.
Tërhiqni zinxhirin deri në krye. Nuk duhet të ngecë më e të mos mbyllet. Nëse sërish ju ndodh pas një kohe, vetëm hiqni pjesën e qepur dhe përsëritni procedurën e njejtë.
/femra.net/
