Kjo është padyshim historia frymëzuese e një shqiptari që ka arritur t’ia dalë vetë në një vend të huaj e të jetë i suskesshëm.
Rexhep Rexhepi, është një djalë i ri nga Kosova me një pasion të madh: orët. Ai ka arritur të ngrejë një sipërmarrje të tij të prodhimit të orëve në Gjenevë dhe ka arritur që prodhimet e tij ti ekspozojë në kryeqytetet më të mëdha të botës.
Në moshën 14-vjeçare ai filloi profesionin e tij në firmën prestigjioze “Patek Pilippe”. Por, takimi i tij me orët dhe interesimi i tij kishte filluar shumë më herët dhe larg Zvicrës.
Rexhepi tregon se takimi i tij i parë me një orë zvicerane ka ndodhur në Kosovë, me orën e babait të tij.
“E mbaj mend se ishte një Tissot. Në atë kohë babai im punonte në Zvicër dhe na vizitonte vetëm gjatë pushimeve. Çdo herë unë e merrja orën e tij dhe dëgjoja tik-takun e saj. Disa herë përpiqesha ta hapja, por nuk arrija. Në fakt, vetëm sa arrija ta gërvishja orën”.
Në vitin 1998 teksa filloi lufta në Kosovë, babai i tij vendosi ta sillte familjen e tij në Zvicër. Rexhepi, atëherë 12-vjeçar, i përshtatet shumë shpejt sistemit shkollor të Gjenevës dhe merr rezultate të mira.
Për zhgënjimin e babait të tij, i cili e kishte paracaktuar atë në një karrierë avokati, Rexhepi vendosi të bëjë një zanat për orëndreqës. Atë e kishte inkurajuar një fqinj i tij, aktiv në profesion dhe një mik, i cili tashmë kishte filluar zanatin. Babai i tij nuk e kuptonte një zgjedhje të tillë, por djali e vuri para aktit të kryer dhe u detyrua ta pranonte.
Djali i tij ishte pranuar në firmën e orës më prestigjioze në botë, një mundësi që nuk mund ta humbte.
Dy vjet më vonë, Rexhepi, i vendosur në sektorin e kontrollit të cilësisë, sheh të kalojë në duart e tij të ashtuquajturën orë Tourbillon, e prodhuar nga Patek Phillipe.
Aty i lind ideja se një ditë edhe ai do të ketë një orë të tillë.
Marrë nga AlbInfo
