Shtatëzania është një bekim për çdo femër.
Ama kur femrat mësojnë se presin dy binjakë lumturia është e dyfishtë.
Këto shenja ju mësojnë para ekos dhe analizave mjekësore se ju jeni duke prutr jo një për dy krijesa të reja.
Shtimi i shpejtë në peshë
Për shkak të rritjes së mitrës dhe sasisë së lëngut amniotik, nëna e binjakëve në shumicën e rasteve shton më shpejtë në peshë. Në tremujorin e parë fitohet gjer në 5 kg, në fund të tremujorit të dytë prej 7 gjer në 11 kg, dhe deri në fund të shtatzanisë edhe gjer në 20 kg.
Të përzierat dhe lodhja e mëngjesit më e madhe
Te shumë shtatzëna të cilat presin binjakë, lodhjen e mëngjesit e kanë më të dukshme, por edhe kjo mvaret nga rasti në rast. Disa gra, të përziera nuk kanë fare ose i kanë më të lehta, përderisa disa tjera thonë që i kanë patur simptomet më të ashpra se sa kur kanë patur një foshnje.
Lëvizjet e foshnjës ndihen më herët
Shumica e shtatzënave, lëvizjet e para të foshnjes, i ndjejnë rreth javës 18 – 22. Ndoshta gruaja që pret binjakë këto lëvizje mund ti ndjejë më herët. Por, këtë duhet marrë në konsideratë si fakt i kushtëzuar, sepse gratë të cilat janë shtatzënë për herë të parë nuk do të dijnë të dallojnë çfarë kanë ndjerë saktësisht, nëse ishte lëvizja e foshnjes.
Nivel shumë i lartë i alfafetoproteinës
Për shumë nëna të cilat nuk ndjejnë simptome të tjera të pazakonta, kjo mund të jetë shenja e parë që të dyshojnë se mos ndoshta presin binjakë. Rezultati i lartë i AFP testit tregon ose anomalitë tek një foshnje ose egzistimin e dy ose më shumë foshnjeve.
Ultrazëri
Në fund, pa marrë parasysh këto shenja, akoma ultrazëri gjatë tremujorit të dytë është siguria më e mirë dhe më e saktë nëse keni binjakë apo jo. Në monitorin e ultrazërit do të vërtetohet lehtë se a bëhet fjalë për dy fetuse apo për dy rrahje të zemrave.
