Policia e Durrësit zbardh disa detaje mbi të kaluarën e një prej viktimave të atentatit të sotëm. Ervin Kodra, 33 vjeç, banues në Durrës është akuzuar në vitin 2008 se ndihmoi autorët e vrasjes së Saimir Ballës.
Ky i fundit u qëllua pas një sherri pranë Pallatit të Kulturës në Durrës. Policia identifikoi në atë kohë Orges Dervishin dhe Elis Tefën si autorë të vrasjes, ndërsa Kodrën si personi që ndihmoi autorët të largoheshin.
Krimi ndodhi për pazaret e drogës. Dyshohet se po për lëndët narkotike të ketë ndodhur dhe vrasja e sotme. Bashkë me Ervin Kodrën u qëllua dhe vlonjati Endri Çaushaj.
Policia e Durrësit gjeti 30 gëzhoja mbrëmë pranë dhe brenda makinës BMW me targa AA 292 IH, ku mbetën të vrarë Ervin Kodra, 33 vjeç dhe Endri Çaushaj, 25 vjeç. Autorët ndoqën makinën e dy shënjestrave dhe sapo ata morën rrugën nga Taulantia drejt Portit, hapën zjarr me breshëri automatike. Megjithëse shoqërimet nuk ka të ndaluar për krimin që tronditi qytetin bregdetar.
Policia ka të skeduar 33-vjeçarin Ervin Kodra për përkrahje të autorëve të krimit në një vrasje për drogë të ndodhur në vitin 2008. Ndërsa për Çaushajn, nga Vlora, nuk dihet nëse ka ndonjë precedent penal.
Në foto, Ervin Kodra, 33 vjeçari që u vra mbremë. Ai ka qenë arrestuar më parë për moskallëzim krimi.
Dyshohet se ai ishte shënjestra e krimit ndërsa udhëtonte me makinën e tij BMW X5, bashkë me Endri Çaushajn nga Vlora.
