Vrasësi i dy vëllezëve Shkami, në ngjarjen e Drishtit është vetëdorëzuar në polici, pas më shumë se dy ditë kërkimesh intensive.
Burime të konfirmuara për Opinion. al, bëjnë me dije se ai ka kërkuar vetë të dorëzohet dhe ka negociuar më parë me policinë, pikerisht për garancinë e jetës.
Mendohet se Dushaj është dorëzuar diku në zonën e Doganës në Tiranë, ndërsa në foto shihet teksa është ndaluar nga dy punonjës të repartit “Shqiponja”.
Ajo që mbetet ende mister, është mënyra se si Alesakndër Esat Dushaj, ka udhëtuar deri në kryeqytet duke qenë njëkohësisht person kaq i kërkuar nga policia.
Edhe pse të pyetur nga gazetarët, përfaqësues të policisë nuk japin detaje të tjera mbi dorëzimin.
