Nesër, siç është paralajmëruar tashmë, Princ Leka dhe Elia Zaharia do të vendosin kurorë në një dasmë që po organizohet në përmasat e një eventi mbretëror.
Çifti do të celebrohet në orën 11.00 në pallatin Mbretëror, të njohur si Pallati i Brigadave, në praninë e të afërmëve, të ftuarëve dhe shumë figurave të njohura e të rënëdësishme të familjeve mbretërore, ndër ta edhe Mbretëresha Sofia e Spanjës.
Një kureshtje e madhe ekziston për çdo detaj të kësaj dasme që është shumë më tepër sesa martesa e një djali dhe një vajze të dashuruar prej vitesh, pikërisht për rëndësinë që ka ky event si prezantim për Shqipërinë në sytë e shumë mediave dhe familjeve të njohura. Një nga çastet kyçe ëshë pikërisht celebrimi.
Revista Class ka mësuar tashmë që celebrimi do të drejtohet nga Kryetari i Bashkisë Erion Veliaj, teksa çifti do të vijë në Sallën e Fronit nën tingujt e një marshi mbretëror të luajtur nga Banda e Bashkisë.
Çifti do të ketë një celebrim civil, ashtu si dhe ka qenë celebrimi i parë mbretëror në Shqipëri, ai i Mbretit Zog dhe Konteshës Geraldine, që u deklaruan burrë e grua nga Hiqmet Delvina, nënkryetar i Parlamentit, që lexoi kërkesat e Kodit Civil për martesën para 200 të ftuarëve dhe anëtarëve të Familjes Mbretërore, në të njëjtin pallat.
