Kryetari i Federatës së Xhudos së Kosovës, Agron Kuka, konfirmon nga Rio se në fundjavë, xhudistja Majlinda Kelmendi me stafin e saj do të zbarkojë në aeroportin ‘Adem Jashari’ në Prishtinë.
“Ekipi i xhudos kthehet nga Rio të dielën, në 14 gusht, në orën 17:40 nga Frankfurti”, tha Kuka për gazetën “Bota Sot”.
Majlinda Kelmendi shkroi historinë e sportit shqiptar, duke fituar medaljen e artë në Lojërat Olimpike Rio 2016 për këtë vend, që në pjesëmarrjen e parë zyrtare në një aktivitet të tillë.
