Gjenden tri vajzat nga Pogradeci, të cilit prej disa orësh rezultonin të zhdukura. Ishte babai dy prej vajzave që denoncoi zhdukjen e tyre në polici. Ato janë gjetur ne qytetin e Elbasanit. Nga të dhënat paraprake, mësohet se të miturat ndodhen aktualisht në komisariat ndërsa nuk dihen ende arsyet e largimit të tyre nga banesa.
DENONCIMI
Burime nga policia pohuan se Bashkim Çollaku, 45 vjeç, deklaroi sot se dy vajzat e tij, Bleona Çollaku, 16 vjeç dhe Lorena Çollaku, 14 vjeç, së bashku me fqinjën e tyre, Arjola Baci, 16 vjeç, janë larguar nga banesa e kësaj të fundit, pa lënë adresë për vendndodhjen e tyre.
Fill pas denoncimit, Bashkim Çollaku rrëfehu për ‘News24’ se vajzat ishin larguar mesnatën e së premtes dhe që prej asaj kohe nuk ka folur më me to. Ai ka pohuar edhe njëherë se vajzat janë larguar me shoqen e tyre Arjola Baci, të cilën sipas tij e kanë edhe fqinjë, ndërsa shtoi se ka frikë se dikush mund t’i ketë marrë për qëllime trafikimi. “I kam rritur me shumë mundime dy vajzat e mia. Kam frikë se mund të mi trafikojnë vajzat, ndaj i bëj apel policisë që ti gjejë sa më parë vajzat. Shoqen e tyre unë e mbaja si vajzën time. Dyshoj se dikush i mori me qëllim trafikimi.”, tha babai.
Hetimet e policise se Pogradecit u përqendruan në dy pista, atë të largimit me dëshirë të vajzave me persona që mund t’i kenë njohur sëfundmi, si dhe pista e dytë, ajo e trafikimit të mundëshm drejt Maqedonisë. Tashme me gjetjen e vajzave, priten te zbardhen detajet e largimit te tyre nga banesa. (Balkanweb)
