Pak më parë menaxheri i një prej klubeve të Hannoverit, nëpërmjet një statusi në rrjetet sociale ka thënë se këngëtari Ledri Vula ka anulluar koncertin, duke lenë në gënjështër fansat e tij, por edhe për faktin që në të njëjtin qytet (por në një tjetër klub) këndonte kolegu i tij Noizy.
Por burime të afërta me menaxherin e Ledrit, kanë bërë të ditur për Indeksonline, se ky koncert vetëm është shtyrë për dy ditë më vonë dhe nuk është anulluar.
Sipas këtyre burimeve kjo shtyrje e koncertit është bërë edhe për faktin se ambienti në të cilin do të mbahej koncerti ishte një ambient i ngjashëm me restorant dhe jo i përshtatshëm për koncertin e Ledrit.
Gjithashtu këto burime kanë bërë të ditur se organizatori i këtij eventi nuk i ka dërguar paratë paraprake sipas marrëveshjes para mbajtjes së koncertit.
“Kjo është një nga arsyet e këtij anullimi pasi personi në fjalë njihet si mashtrues që i ka mashtruar dhe u ka krijuar probleme edhe shumë këngëtarëve të tjerë”, thonë burimet pranë stafit menaxhues të këngëtarit.
