Facebook-u ju ndihmon por edhe prish punë ndonjëherë në marrëdhënien tuaj. Ja disa raste kur njerëzit kanë zbuluar gjëra nëpërmjet statuseve të Facebook-ut:
Një 35-vjeçare zbuloi se bashkëshorti i saj po divorcohej me të nëpërmjet Facebook-ut.
Organizatorja e konferencave, Emma Brady u trondit, kur mori vesh se martesa e saj kishte marrë fund, pasi lexoi statusin e bashkëshortit të saj që thoshte: “Neil Brady i ka dhënë fund martesës me Emma Brady”.
Vitin e kaluar një 28-vjeçare i dha fund martesës së saj pasi zbuloi se i shoqi po kalonte një marrëdhënie virtuale me dikë që nuk e kishte takuar kurrë. Any Taylor, 28 vjeçe u nda nga David Pollard, pasi zbuloi se ai po flinte me një shoqëruese në lojën “Second Life”, një botë virtuale, ku njerëzit krijojnë një personalitet të ri.
Rreth 14 milionë britanike besohet se përdorin rrjetet sociale për të komunikuar me miq të vjetër ose për të bërë miq të rinj.
Popullariteti i rrjetit social “Friends Reunited” para disa vjetësh u fajsua për rritjen e divorceve, shkruan botasot.info, duke qenë se bashkëshortët e bezdisur e përdornin për të kontaktuar ish të dashurit e dikurshëm
