Policia greke ka arrestuar një shtetas shqiptar për posedim dhe trafikim të lëndëve narkotike.
Oficerët e Policisë të sektorit kundër narkotikëve, pas një hetimi disa mujor, zbuluan se 30 vjeçari jetonte në një stan, në një zonë rurale duke e fshehur drogën me kujdes nën shkurret e dendura pranë një përroi.
Gjatë aksionit policior që u krye në orët e para të ditës së sotme, policia greke bën me dije se trafikantit ju gjet drogë e paketuar me peshë 9.3 kg.
Nga kontrolli i të dhënave, u zbulua se i arrestuari kishte hyrë ilegalisht në Greqi.
Emri i tij nuk bëhet me dije.
